型 號：6373
名 稱：Motorcycle Shop
系 列：city系列
零件數量：166
人偶數量：2個
美金售價：$17.50
出版年份：1984年
撰文者: 草上飛
今次介紹的是1984年出產的6373 - Motorcycle Shop ( city系列) , 這set 件數
總數為166件,人仔數目為2個,隨set 更有3架絕版電單車!!!
這set 英文名為Motorcycle Shop,當然以電單車為主題吧!!也是lego city 首次
以電單車為題材而出的專用set.
雖然這set 為電單車題才而出的,但這種細細的電單車卻不是在這set 6373才出現.
lego city 踏入80年代早期,車子已經有明顯的改動同進步,但電單車還是怪怪的,
例如早期的381中的電單車,又多件組成,但出來效果卻三尖八角.
![]()
而進入1983年,電單車終於進化同大改變了!!!當年出產的6371,6384同6654都一下
子用了新式設計的電單車,這種電單車在當時變得較流線形,更符合人仔的比例!!!
這種設計一值用到90年代中左右,90年代中打後就因lego city 產生了極大變化(變得好不濟),
電單車也再次作出大改動變了3個車輪.再由近代2005年再次演變成現在的電單車(如7237哪一類)
7237哪一類電單車看上來更流線型但又變得更大架!!;P
在城市系列中,電單車可為經過4代的變化(唔計其他非城市系系列的電單車).
但6373的這類電單車我自己覺得是4代中最為漂亮,其中一個原因是可以加一塊檔風玻璃,
其他3代的電單車就做不到這點了.
講完電單車歷史就說回本set 6373先,建築物主牆顏色以黃色為主,屋頂部份就以黑色為主.
而中間部份就有兩個落地紅色窗框,一對一左一右的紅色門,再配以各式的貼紙,而上蓋部份
就有一個大電單車招牌同一些國旗,遠看十足十似一間零售商店.
而電單車零售店入面,左邊是普通的店面,內裡有電話和電腦等設備,店子中間部份
就放了一輪電單車,而右手邊就是售賣一些裝備如頭盔等等.
至於店子出面左手邊就種了一些小花,右手邊放置了兩輪電單車.而紅色電單車就比較特別,
体形比較大型的,可以運送東西!!
說到這裡,立即去圖!!!
6373全set 圖,
盒子, 說明書及catalog 等都還在.
![]()
長方形的外盒.
![]()
盒背印有精彩的alternative mode.
![]()
legoland 時代黃盒設計!
還盒6373還有另一種更早期的白邊盒設計!
![]()
![]()
80年代有很多中型set 盒子都有這種 "推燙" 式設計!
![]()
說明書正,背面圖片.
![]()
![]()
算少不少, 算大也不大的catalog.
![]()
全set 6373的貼紙件和印刷件.
![]()
6373的兩個人仔,一個黑衫電單車手, 一個藍色工人褲人仔.
![]()
開始組合6373了, 由16x32的舊灰版開始....
![]()
砌上數格高的黃色磚....
![]()
加上紅色的門窗等東西.
![]()
大約20分鍾左右就組合好這6373了!
![]()
建築物主牆顏色以黃色為主, 屋頂部份就以黑色為主.
![]()
![]()
一大堆電單車,有藍有紅有黃,架架都係絕版,非常珍貴.
而這些電單車是咁多代中最為細少,但也更符合人仔比例!!!
![]()
藍色電單車跟藍色頭盔,這類頭盔也是絕版了,
而電單車車頭更有一塊檔風玻璃!!
![]()
紅色電單車跟紅色頭盔,這砌法較為特別,
又兩輪變為3輪,電單車上的空間也較大,可以放置一些東西!!
![]()
黃色電單車,但不明白為何頭盔不是黃色是白色.
![]()
店子正門有兩個落地紅色窗框,一對一左一右的紅色門,再配以各式的貼紙.
![]()
上蓋部份就有一個大電單車招牌同一些國旗,遠看就知這間是電單車店子啦.
![]()
而店子前方種了一些小花.
![]()
到店子內裡結構了,一目了然!!
![]()
左手邊有售賣一些裝備如頭盔等等的東西,個個都是絕版貨.
![]()
而店子中間部份就放了一架電單車同一些維修工具.
![]()
右手邊就是辨公室,內裡有電話電腦等等.
![]()
6373小故事~~~~
由於係售賣絕版電單車,太多人訂購,接order接到不停,
由日間工作到天黑了.
![]()
有客到!!看看有什麼款式電單車賣先.
![]()
售貨員係咁落力介紹~~!
![]()
藍色的夠搶眼!!
![]()
紅色的夠大架,最重要係有3個車輪,轉灣唔洗驚反車!!
![]()
再唔係就黃色,呢架做緊特價!
![]()
唔買唔緊要,可以試下車先.
![]()
紅色呢架又幾好渣bor,不過都係買黃色好,因為...做特價夠平.
![]()
就決定買黃色果架電單車啦.
![]()
平野冇好野,一買即壞.
小故事完!!謝謝!!
![]()
再由正面看6373, 看幾多次我都自己都係咁鍾意呢一set.
亦是我小時候非常喜歡的一set !!!!!!
![]()
3set 6373放在一起看!!其中一set 遲d要print 番貼紙出來重新貼上.
![]()
謝謝收看!!!!!
![]()
更多的其他作品圖片介紹,請往以下link.
http://www.brickshelf.com/cgi-bin/gallery.cgi?f=390042
![]()
外觀美感 ：★★★★
機關設計 ：★★
組合難度 ：★★
零件稀有性：★★★★★
人偶稀有性：★★★
價格合理性：★★★★★
完 |
發表於 2010-10-24 00:23:06
收藏
提升卡
沉默卡
變色卡
發表於 2010-11-9 11:48:46
紅色三輪的一整個是我的菜ㄚ~~~~
樓主
發表於 2010-10-25 00:23:36
